25 ஆண்டுகளில் அரசி அழிந்து போகும்: ‘நாகரிகப் பயணம்’ தயாரிப்பாளர் ஜாகிர் உசேன் எச்சரிக்கை

25 ஆண்டுகளில் அரசி அழிந்து போகும்: ‘நாகரிகப் பயணம்’ தயாரிப்பாளர் ஜாகிர் உசேன் எச்சரிக்கை

-ரிச் மூவீஸ், டிஎஸ்கே மூவீஸ் இணைந்து தயாரிக்கும் படம் ‘நாகரிகப் பயணம்’. தாஸ் சடைக்காரன் இயக்கி உள்ளார். இதன் இசை மற்றும் ட்ரெய்லர் வெளியீட்டு விழா சென்னை சாலிகிராமத்தில் உள்ள பரணி ஸ்டுடியோவில் நடைபெற்றது.

இந்த விழாவில் தயாரிப்பாளர் பி.மணவாளவன் ஏ.செந்தில், புதுவை எம்.ஜாகீர் உசேன், இயக்குநர் ராதா பாரதி, ஃபைட் மாஸ்டர் ஜாகுவர் தங்கம், தயாரிப்பாளர் ஈகை கருணாகரன் இசை அமைப்பாளர் திவாகர், காண்டியப்பன், அன்னகொடி கன்னன, வர்ணிகா, முபாரக் அலி, ரஜினிகாந்த் மற்றும் பலர் கலந்து கொண்டு விழாவை சிறப்பித்தனர். படத்தின் இசை மற்றும் ட்ரெய்லர் ஏகலைவன், ஜாகுவார் தங்கம் வெளியிட படக்குழுவினர் பெற்றுக் கொண்டனர்.

விழாவில் தயாரிப்பாளர் ஜாகிர் உசேன் பேசியதாவது: இன்னும் 25 வருடங்களுக்குப் பிறகு எல்லார் வீட்டிலும் அனைத்து பொருட்களும் இருக்கும் ஆனால் அரிசி இருக்காது. ஏனென்றால் விவசாயம் அழிந்து விடும் நிலையில் உள்ளது, விவசாயத்தை சார்ந்த திரைப்படம் எடுக்கலாம் என்று இயக்குநர் தாஸ் சடைக்காரன் என்னிடம் கூறினார், ஆதலால் நாங்கள் இருவரும் சேர்ந்து இத்திரைப்படம் எடுத்துள்ளோம். என்றார்.

இயக்குநர் தாஸ் சடைக்காரன் பேசும்போது “இப்படம் 40-நாட்கள் கடின உழைப்பில் எடுத்துள்ளோம், மக்கள் அனைவரும் ஆதரவு தாருங்கள்” என்றார்.