லெனின் பாண்டியன்: அதிகாரத்திற்கு எதிரா நிற்கும் கடைநிலை காவலன்

ஒரு வயதான விவசாயியும் (கங்கை அமரன்) இளம் காவலரும் (தர்ஷன் கணேசன்), சக்திவாய்ந்த மணல் மாஃபியாவை எதிர்த்து போராடுவதுதான் படத்தின் ஒன்லைன். அதிகார அமைப்பானது தனிநபர்களுக்கு வழங்கும் அதிகாரத்தை விமர்சிக்கிறது; ஏனெனில், அந்த அதிகாரத்தைப் பெறுபவர்கள் பெரும்பாலும் அதைத் தங்கள் சுயநலத்திற்காகவும், தாங்கள் பாதுகாக்க வேண்டிய மக்களுக்கு எதிராகவும் தவறாகப் பயன்படுத்துகிறார்கள் என்பது படம் சொல்ல வரும் செய்தி.

கதை என்னவென்றால் விவசாயி துரைராசு (கங்கை அமரன்) மற்றும் காவலர் மாறவர்மன் சுந்தரபாண்டியன் (தர்ஷன் கணேசன்) ஆகிய இருவரும் அப்பாவியான, கொள்கை பிடிப்புள்ள மனிதர்கள். தங்களைப் பாதுகாத்துக்கொள்ள, உறுதியான மன உறுதி கொண்ட தங்கள் மனைவிகளான சந்தனம் (ரோஜா) மற்றும் பிரியா (ஷ்ரிதா ராவ்) ஆகியோரின் உணர்வுப்பூர்வமான ஆதரவுடன் வாழ்கிறார்கள்.

அந்தப் பகுதியில் மணல் மாஃபியாவை நடத்தி வரும் ரவியின் (யுகேந்திரன்) லாரி, துரைராசுவின் ‘மீனாட்சி’ என்ற ஆட்டின் மீது மோதி அது செத்துப்போகிறது. இதனால் கோபம் அடைந்த துரைராசு, அதை கிராம நிர்வாக அலுவலரிடம் புகார் அளிக்க அவரை மாபியாக்கள் கொன்று விட அந்த கொலையின் சாட்சி ஆகிறார் துரை ராசு. அவருக்கு பாதுகாப்பாக கோர்ட் கான்ஸ்டபிள் மாறவர்மனை நியமிக்கிறது. அதன் பிறகு என்ன நடக்கிறது என்பது மீதி கதை.

கங்கை அமரன் இயல்பாக நடித்திருக்கிறார். அவருடன் போட்டி போட்டு நடித்திருக்கிறார் ரோஜா. புகழ்பெற்ற சிவாஜி கணேசனின் பேரனான தர்ஷன், ஒரு மெலிந்த உடல்வாகு கொண்ட காவலர் கதாபாத்திரத்திற்குப் பொருத்தமாக இருக்கிறார். நீதிபதி பீமாராவ் கதாபாத்திரத்தில் நடிக்கும் ஜார்ஜ் மரியான் இடம்பெறும் காட்சிகள் படத்தின் சிறப்பம்சங்களாகும்; ‘பரியேறும் பெருமாள்’ படத்தின் முக்கிய கதாபாத்திரத்திற்கு இணையான அந்த வேடத்தில் அவர் மிகச்சிறப்பாக நடித்துள்ளார். அந்தக் கதாபாத்திரத்தைப் போலவே, பீமாராவும் தனது சொந்தச் சூழல்களைக் கடந்து தற்போதைய நிலையை அடைந்தவர்; இப்போது ஒடுக்கப்பட்ட மக்களுக்காகத் துணை நிற்பவர். மனிதர்களை அவர்களின் தோற்றத்தை வைத்து மதிப்பிடக்கூடாது என்று தனது உதவியாளரிடம் (சுனில் ரெட்டி) அவர் கூறும் கருத்து, நகைச்சுவையாகவும் அதே சமயம் கூர்மையாகவும் அமைந்துள்ளது. இளையராஜாவின் இசை தாலாட்டுகிறது.

டி.டி.பாலச்சந்திரன் முதல் படத்திலேயே தரமான இயக்குநராக கால் பதித்திருக்கிறார்.